Балалар нейрохирургиясы бөлімшесінің дәрігерлері омыртқа бағанының ісігін алып тастау үшін тағы бір күрделі операция жасады

Четверг,  28  Август  2025

Балалар нейрохирургиясы бөлімшесінің дәрігерлері омыртқа бағанының ісігін алып тастау үшін тағы бір күрделі операция жасады.

14 жастағы науқаста аурудың алғашқы белгілері осы жылдың маусым айында пайда болды — жасөспірімді бел аймағындағы ауырсыну мазалады. Бастапқыда ата-анасы бұған мән бермеген. Алайда, аяқтағы құрысулар, әлсіздік, ұю және күйдіру белгісі пайда болған кезде олар дәрігерлерге барып, диагноз қойылды.

Облыстық Петропавл ауруханасында науқаста көлемі 4,2 × 3,5 × 3,5 см болатын омыртқа бағанының көлемді ісігі анықталды. Петропавл нейрохирургтарының біздің мамандармен кеңесуінен кейін Ұлттық нейрохирургия орталығында операция жасау туралы шешім қабылданды. Орталыққа дәрігер қабылдауына бала өздігінен жүре алмайтын жағдайда  келді.

 Балалар нейрохирургиясы бөлімшесінің нейрохирургтары омыртқаларды транспедикулярлық бекітті және омыртқаның L3 ісігін микрохирургиялық жолмен алып тастады. Операция 6 сағатқа созылды және сәтті өтті. Операциядан кейін науқас  жағдайының айтарлықтай жақсарғанын атап өтті: арқаның бел аумағындағы ауырсыну кетті, науқас палатада өздігінен жүре бастады.

 14 жастағы науқастың анасы дәрігерлерге алғысын білдіріп, Орталықтағы медициналық көмектің жоғары деңгейі мен жақсы жағдай жасалғандығын, емнің МӘМС квотасы бойынша тегін жүргізілгендігін де  атап өтті.